المساعد الشخصي الرقمي

مشاهدة النسخة كاملة : كيفيه معالجه الجزاءات ( الخصومات ) فى الرواتب !!!!للمتميزين فقط



rafy_hash
Sat, 16 Oct 2010, 07 AM:49:54
كلنا عارفين ان قيد الرواتب بيكون بالشكل ده :
50000 من ح / م . عموميه - رواتب واجور
الى مذكورين
5000 ح / التامينات
2000ح / جزاءات ( الخصومات ) :d
3000 ح / ذمم عاملين ( سلف )
2500 ح / الضرايب
38500 ح / البنك

وكلنا عارفين معالجه كل حاجه فيهم ... انما الجزاءات اللى بنخصمها من العاملين ده بتتعالج ازااى ؟؟؟!!!!؟!؟!؟!؟!؟!؟!؟1
هقولك حاجتين وانت تقولى ايهما مع البرهان على وجهت نظرك ...
هل تعتبر ايراد وتدخل مع ايرادات اخرى ؟؟؟ ولماذا !!!
ام تعتبر تخفيض للمصروفات وتخصم منها فى ح / أ . خ ؟؟؟!!!! ولماذا

فين الناس الخبرا المتميزين يحلو فين ؟؟؟؟!!!

rafy_hash
Sat, 16 Oct 2010, 10 AM:35:16
ايه يا اخوناااا فى ايه ؟؟؟؟؟
هوا كل اللى يدخل ميلاقيش الحل يهرب علطووللل ؟؟؟ طب حاول تقول اى حاجه
فين الناس المتميزه ؟؟
فين المحاسبين الخبره ؟؟؟
فين الناس الحلوه فين ؟؟؟؟
وحبه فوووووق وحبه تحت
المهم فى مهله يوم لو محدش عرف الحل هضطر اجاوب بكره عليه بس كده يبقى عيب على الناس الساده المحاسبين الزملاء اللى مش عارفين يجاوبوووو

رافى

mohamed2412
Sat, 16 Oct 2010, 01 PM:37:00
السادة / المحاسبين العرب
تحية طيبة وبعد ،،،،

ارفق لسيادتكم رأيى اللخاص في هذا الموضوع و اريد التصويب إن أخطأت

أنا أرى أن نعتبره ايراد و يجنب في مخصص يتم الصرف منه على العاملين في حدود لوائح توضع لهذا الغرض حتى يستفيد منه العاملين

على عبدالله
Sat, 16 Oct 2010, 01 PM:53:03
بيعمل حساب يسمى صندوق الجزاءات يرمى فى هذا الصندوق كل من الخصومات الادارية والتاخير ومن اسقط راتبه اذا اسقط بالظبط مثل المخصصات وذلك لان ممكن يرفع الخصم او يثتثنى فيخصم من هذا الحساب وفى التسويات النهائية يتم تسوية هذا اللحساب كايراد واى خدمة للى عايز حاجه

rafy_hash
Sun, 17 Oct 2010, 08 AM:45:30
بسم الله والحمد لله ولا اله الا الله ولا حول ولا قوه الا بلله
تمااام يا اخوناااا الحل ده صحيح بس عموما هوا فى معالجتين هما :

الاولى : فعلا نعمل صندوق او مخصص زى ما قال الاساتذه ونصرف منه على اى هبل فى اى اتجاه ولو اتبقى منه اى حاجه تعتبر ربح ولو انى لا اميل على الاطلاق لهذا الراى واقول لكم راى اخر وانا اكثر اقتناعا به بصراحه يعنى .

الثانيه : وهى الاكثر واقعله وتنص على ان الجزاء تخفيض للمصروف وليس ايراد كالاتى ..,,,
لما كان الجزاءات هى تخفيض المصروف او التكلفه ولو اننا بنكتب مصروف الرواتب بكامل قيمته 50000 ج ولا نخصم منه الجزاءات 2000 بينما الحق ان المبلغ اللى صرفناه هو 48000 ج .ويجب ان يحمل المشروع فقط ب 48 الف فقط طبقا لمبادئ المحاسبة .
بناء عليه نعتبر الجزاءات تخفيض للمصروف وتحول الى ح / أ . خ مباشره وتقلل بيها الربح او تخصم من الرواتب فى قائمه الدخل زيها بالظبط زى الايراد المكتسب من عمليات الشراء .. ازاى !!؟؟
احنا لما بنشترى وبناخد خصم مكتسب من هذه العمليه لا تحسب على الاطلاق ايراد وانما تخفيض مصروف المشريات وده اللى بنشوفو فى قائمه الدخل لما بنحسب تكلفه البضاعه المباعه بتكون كلاتى :
ت بضاعه = رصيد اول + صافى المشـــتريـــات + مخزون اخر .... وطبعا صافى لمشتريات دى بتكون
= المشتريات+ م شحن وخلافه - ( مردودات + الخصم المكتسب ) .
وكل ده علشان نطلع صافى المشتريات .

نرجع تانى نقول انها نفس المعاجله دى يعنى بنقلل بيها م الرواتب ولا تعتبر ايراد زى المعالجه بتاع الخصم المكتسب تماما هذا والله اعلم .

يعنى لو عملت دى صح ولو دى صح بس انا افضل انى اقلل بيها الرواتب وكله عند العرب صابون ,,,

رافى

rafy_hash
Sun, 17 Oct 2010, 08 AM:47:00
اى حد عنده اى تعليق او استفسار او لو كلامى غلط يا ريت يقولى بس بالدليل لانى عندى دللائل كتيرررررررررر

رافى

ماجد الكينعي
Sun, 17 Oct 2010, 05 PM:50:10
السلام عليكم ورحمة الله
رايي يا اخوان ان ينشاء صندوق زي ما قالوا الاخوه انشاء صندوق وهذا في حساب المخصصات على ان توزع قيمة الجزاءات كمساعدات لمن تواجهه ضروف خانقه بعد موافقة الاداره ويقفل نهاية السنه في حساب مسترد المصاريف ان لم يوزع تخفيض من المصروفات وذلك لان لا تضخم الايرادات تطبيقا لمبدا الحيطه والحذر
رجاء اي شخص يحس ان الكلام غير منطقي ان يبلغني

rbeeyrbeey
Mon, 18 Oct 2010, 07 AM:46:18
الاخ المشارك السلام عليكم ورحمة الله وبركاتة بالنسبة للموضوع المذكور والخاص بالخصومات والجزاءت فيتم المعلجة المالية علي هذا النحو 0
يتم عمل قيد بهذة الطريقة من ح/ خصومات العاملين وهذا حساب وسيط وبخاصة في البرامج المحاسبية
الي ح/ مصاريف عمومية - رواتب واجور ولابد ان يذكر هذة العبارة في شرح القيد - تخفيض مصاريف الرواتب بقيمة ما تم خصمة من العامل مثلا س

rafy_hash
Mon, 18 Oct 2010, 08 AM:41:06
يا واد يا ربى يا جااامد بس خلى بالك ان ده اللى اتقال اى تخفيض المصروف يا برنس الليالى يا حلو وغالى وعمرك ما جيت ولا هتيجى على بالى
وعجبى

رافى

sultanaccount
Tue, 19 Oct 2010, 12 AM:26:27
الابناء الاعزاء
اولا : قيد المرتبات خطأ وصحتة
من مذكورين
حـــ / م . التشغيل
المرتبات والاجور ( اجمالي الاستحقاقات لآجور الفنيين )
حـــ / م . ادارية وعمومية
المرتبات والاجور ( اجمالي الاستحقاقات لغير الفنيين )
التأمينات الاجتماعية ( حصة المنشآه في التأمينات 26% )
الي مذكورين
حـــ / مصاريف مستحقة ( صافي المستحق من الاجور والمرتبات )
حــ / التامينات الاجتماعية ( اجمالي المستحق 40% )
حـــ / الضرائب ( المستحق علي العاملين من ضريبة كسب العمل )
حـــ / العهد والسلف ( خصم ماتم من عهد وسلف علي العاملين )
حــــ / صندوق الجزاءات ( ماتم خصمة من الجزاءات )
وبعض الاماكن مثل المصانع ( لآغراض التكاليف ) تحمل التامينات كمصروف ( جانب منه ) علي م . التشغيل بقيمة تامينات الفنيين ..... ولايغيب عن فطنتكم انه يمكن ادماك بعض البنود في حساب واحد .... الخ .
ثانيا : حصيلة الجزاءات كيفية معالجتها ( صندوق الجزاءات ) طبقا للقرار رقم 123 لسنة 2003 ( وزير القوي العاملة والهجرة المادة الثانية تصرف حصيلة أموال الجزاءات الموقعة علي عمال المنشآة في الأغراض الاجتماعية والثقافية والرياضية لعمال المنشآه
والمادة السابعة : علي المنشآت التي يسري عليها أحكام قانون العمل أن تورد ثلث حصيلة الجزاءات الموقعة علي العاملين لديها كل ستة اشهر علي النحو التالي :
70% للمؤسسة الثقافية العمالية .
30% للمؤسسة الاجتماعية العمالية .
ثالثا : القانون ينفذ في الجهات التي بها تجمعات عمالية قوية مثل شركات الاموال التي بها عمال كثيريين ويعلمون حقوقهم ...... ولكن في أغلب الشركات وخاصة الشركات التي أعدادها صغيرة مثل شركات الاموال التي بها مثلا 15 عاملا فهي تخفض بها التكاليف .... اي تحسب المرتبات بعد خصم الجزاءات .

rafy_hash
Tue, 19 Oct 2010, 07 AM:20:40
اخونا الكبير سلطان بيه ,,, بعد صباح اللوز يا كبيرررر

اولا القيد بتاع المرتبات بتاعى مش غلط .. ده صح جدا ولامو اخذه يعنى بس انت تلقاك لسه صاحى ومشربتش الشاى بص عليه تانى كده يا برنس ,, انا بقول من ح / م عموميه وانا على فكره شغال فى شركات مقاولات منذ نعومه اظافرى ,,, حلوه اظافرى دى !!!
المهم انا لو عاوز احط م تشغيل كنت هحطها بس انا للتبسيط بعمل قيد رواتب للاداره علشان كده قلت م . اداريه تانى حاجه خلى بالك الكلامات الجميله اللى انت قلتها وقانون وبهتون وبلابلابلا ,, كل ده فى الهبلايظ
خليك فى عالم الواقع يا كبيررررر
بقولك ايه اان هروح اشرب شاى اجيب لك معايا ؟؟؟؟

ali eldesouki
Tue, 19 Oct 2010, 02 PM:20:39
السلام عليكم ورحمه الله وبركاته
اخى الكريم على حد علمى ان الجزاءات بيتم عمل قيد بها

50000من ح / م . عموميه - رواتب واجور
الى مذكورين
5000 ح / التامينات
2000ح / جزاءات ( الخصومات ) :d
3000 ح / ذمم عاملين ( سلف )
2500 ح / الضرايب
38500 ح / البنك
حساب الجزاءات (او الحصومات ) ده بيدرج تحت حساب المصروفات العموميه والاداريه فى شجره الحسابات ضمن حساب (صندوق الزماله )\ ويتم اقفاله فى قائمه الدخل اخر السنه وطبعا صندوق الزماله معروف نشاطه .......
لو في خطاء ارجو التصحيح
السلام عليكم

محمد المرشدى
Tue, 19 Oct 2010, 03 PM:57:51
[b][size="5"]السلام عليكم
موضوع الجزاءات ليس فيه جدال ولانقاش ولا اختلاف


تعالج الجزاءات على انها ضمن مصروفات الفترة المالية الخاصة بها
وتخصم من المرتبات ويجب ان تظهر الرواتب بالصافى
وتقفل الجزاءات فى حساب الارباح والخسائر
فى نهاية الفترة المالية

sultanaccount
Tue, 19 Oct 2010, 10 PM:27:52
الابن رافي العزيز انا مستني الشاي ....... ولكن ماقلته لأن بعض الاخوه من الممكن ياخذ القيد مثلما انت كتبته وينفذه لأنه لايعلم وبالتالي حبيت اوضح .
الابن علي صندوق الزمالة هو صندوق للصرف علي الانشطة الاجتماعية والثقافية فيكون دائن بالمبالغ التي تدعم بها الصندوق ( مثل الجزاءات ) ومدين بما يصرف منه .... اما المصاريف الادارية والعمومية هو مصروف فبطبيعته مدين .
الابن محمد المرشدي حلوة قوي " موضوع الجزاءات ليس فيه جدال ولانقاش ولا اختلاف " سمعا وطاعة كلة يبطل نقاش ونرمي القوانيين .. حاضر ياباشا .
الاخوة والابناء الاعزاء نحاول ان نتعلم من بعض وبالتالي يدور هذه المناقشات وانا كتبت نصوص القانون لنتعلم جميعا ... ونعلم ان هناك طرق اخري بعيدة عن القوانيين ( مثلما قلت في تعليقي )ولكننا يجب الاشارة الي القوانيين لمن يريد .

على عبدالله
Wed, 20 Oct 2010, 09 AM:59:39
انا اتفق مع الاستاذ سلطان ويا جماعه لازم يبقى فى صندوق للجزاءات لان مكن فى اى وقت يرفع الجزار ويسترد الى الموظف فى هذة الحالة ياخذ من صندوق الجزاءات وهذا هو الصحيح انما على كلام حضرتكم لو استقطع مباشر من الرواتب كيف سيرد
القيد الصحيح هيبقى من صندوق الجزاءات \الى /البنك
انما على كلامكم هتقوموا بتعلية الرواتب مرة اخرى هيبقى من الرواتب سواء تشغيلية او عمومية وادارية الى البنك وهذا غير صحيح لانك تعاملت مع صافى الرواتب

rafy_hash
Wed, 20 Oct 2010, 10 AM:10:12
اخى العزيز واخى سلطان القيد ده للاسف مش تمام لانه ساد العرف فى العالم كله ان يحمل المشروع باجمالى ااجور اما الجزاءات بيتعمل بيها مخصص او صندوق او او او انما لا يجوز ان تحمل بصافى المصاريف
تانى حاجه لما يرد الجزء المستقطع عادى جدااا بنعكس القيد ويبقى باسم الشخص للصندوق او المصص او اى ان كان اسمه
تانى حاجه انا لما عملت القيد لو اكتب فيه حصه المنشاه من التامينات لانه ممكن يتكنب فى قيد لوحده وكذلك مفصلتش الاداره عن المواقع او خلافه لانى قلت قيد مبسط وكان همى كله انى ابين واشغل دماغ الناس فى حته الجزاءات دى وعموما
الاختلاف فى الراى لا يفسد للود قضيه ,,,
ولما نتناقش نطلع بنتائج احسن ومعلومات مفيده كتيرررر ومنكم نستفيد
ويعيش المعلم ,, ويموت المعلم ,, ولا بيتعلم

رافى