النتائج 1 إلى 9 من 9

الموضوع: ما الفرق بين مصاريف التاسيس و مصاريف ما قبل التشغيل

  1. #1

    تاريخ التسجيل
    Fri, 14 Sep 2007 01 PM:11:04
    العمر
    29
    المشاركات
    39
    معدل تقييم المستوى
    0

    افتراضي ما الفرق بين مصاريف التاسيس و مصاريف ما قبل التشغيل

    اخووانى الاعضاء
    الرجاء من سيادتكم توضيح الفرق بين مصاريف التاسيس و مصاريف ما قبل التشغيل مع الامثلة المفصلة و كيف تتم معالجتها هل برسملتها اما اعتبارها مصاريف فى وقت استحقاقها ؟

    على سبيل المثال : فى فترة قيبل التشغيل ..هل تعتبر مصاريف استقدام العمالة و رواتب العمال و فواتير الكهرباء و التليفون من مصاريف ما قبل التشغيل ام تاسيس و مصاريف اجراء تجارب على الماكينات من زيوت و شحوم و مواد خام هل تحمل على الاصل ام اعتبارها من مصاريف ما قبل التشغيل

    يرجى من اهل الخبرة الرد على مثل هذه الاستفسارات مع التوضيح بكثير من الامثلة لكل من النوعين من المصاريف مع طرق المعالجة

  2. #2
    moderator الصورة الرمزية rafy_hash
    تاريخ التسجيل
    Mon, 11 Oct 2010 06 PM:20:00
    العمر
    32
    المشاركات
    709
    معدل تقييم المستوى
    4

    افتراضي رد: ما الفرق بين مصاريف التاسيس و مصاريف ما قبل التشغيل

    الحمد لله على نعمتى العقل والعلم
    اخونا العزيز ,, انا هقولك اللى انا اعرفه وطبقته عمليا .... وباختصار شديد
    اولا مصاريف التاسيس وهى كل ما يلزم لتاسيس نشاط ( شركه او مصنع ) حتى بداْ التشغيل ,,
    بمعنى انى لما اجي فى مصنع وبنعمله من الاول خالص وطبقا للخطوات دى .
    - بنشترى الارض ونعمل عليها مصنع ( اصول ثابته )
    - بنجيب الا ومعدات من بره وننقلها ونركبها ونجربها ونجيب 6 خبراء علشان يظبطونا طبقا للعقد المبرم ( اصول لحد ما نتاكد من انها شغاله )
    - بندفع حوالى 500 الف لشركه الكهرباء علشان اطلاق التيار الكهربائى ( م تاسيس )
    - بنشترى مفروشات مكتبيه وحاجات كتير ( اصول )
    - بنجيب بقا شويه تراخيص و اعلانات وحاجات وهبل وحركات قبل التشغيل ( م تاسيس )
    - اى حاجات لازمه لتاسيس المصنع ده لحد ما يشتغل دى مصاريف تاسيس ولكن اول ما المصنع تم خلاص بمعداته وحركاته و مستلزماته يبقى مصاريف عاديه ...
    وانا اول مره بصراحه اعرف او اسمع مصاريف ما قبل التشغيل دى ..
    يعنى احنا زمااااان كنا بنعمل مصنع جديد فى 6 اكتوبر وانا كنت بتابع الحوار ده واتعلمت من الحاج خميس - المدير ساعتها ربنا يديله الصحه لو عايش .. وعرفنى يعنى ايه تاسيس و حاجات كتير .. بس اول مره اسمع كلمه مصاريف ما قبل التشغل ... لانى اعتقد ان ما قبل التشغيل هى م تاسيس انما خلال اول شهر تشغيل او تجريب او خلافه فهى مصاريف عاديه ...
    بمعنى انى قبل التشغيل بشهر بجيب العمال يتدربو على الماكينات كام يوم و طقم الاداره و السكرتاريه برضو بيعملو شويه اتصالات و حاجات كده وبلابلابلا ... كل ده م تشغيل عاديه على ما اعتقد يعنى ولا تحسب لها اهلاك ...

    المهم انا بعمل ل مصاريف التاسيس دى اهلاك زى اهلاك الاصول الثابته تماما ... بس متجيش بقا تقولى الماكينات او مبنى المصنع ده م تاسيس ... نووووو دى اصول يا مان
    بينما م التاسيس هو الكهرباء و م ادخال الهواتف و التراخيص و التسجيل مثلا فى هئيه المال وبلابلابلا .. يعنى شويه الحبشتكانات دى ...
    كمان لو جبت ناس فننيت من بره ينظمو او يحطو خطه نمشى عليها ويدربو الناس اللى عندى ده بيدخل فى م التاسيس بينما لو جالى فننيت من بره لتركيب وتجربه الماكينات ف ده بيتحط على الاصل لان زى ما انت عارف ان الاصل بيحمل عليه كل حاجه لحد ما يدخل فى الانتاج ...
    عموما كفايه رغى ولو عاوز امثله قولى وانا ادعبس فى المكتبه بتاعتى عن شغل زماااان ولو لاقيته هنزلو واديلك مصنع كامل من أ >> ي ,,,,

    رافى

  3. #3

    تاريخ التسجيل
    Mon, 31 May 2010 09 PM:27:35
    العمر
    28
    المشاركات
    56
    معدل تقييم المستوى
    5

    افتراضي رد: ما الفرق بين مصاريف التاسيس و مصاريف ما قبل التشغيل

    رافى كلام قوي شكرا لك ربنايعطيك العافية

  4. #4
    moderator الصورة الرمزية rafy_hash
    تاريخ التسجيل
    Mon, 11 Oct 2010 06 PM:20:00
    العمر
    32
    المشاركات
    709
    معدل تقييم المستوى
    4

    افتراضي رد: ما الفرق بين مصاريف التاسيس و مصاريف ما قبل التشغيل

    يا مان انت تؤمرنى يا باشا وانا اهيس قصدى اشرح هع هع هع
    وبجد انا بحب القعقاع اكرمه الله
    نايس نيم يا مان

    رافى

  5. #5

    تاريخ التسجيل
    Fri, 14 Sep 2007 01 PM:11:04
    العمر
    29
    المشاركات
    39
    معدل تقييم المستوى
    0

    افتراضي رد: ما الفرق بين مصاريف التاسيس و مصاريف ما قبل التشغيل

    شكرا يا استاذ رافى
    بس فى حاجة ...مصاريف التاسيس و طبقا للمعايير الجديدة لا تستهلك و انما تحمل على المصاريف على طول فى السنة الاولى
    انا شغال فى السعودية و رايح مصنع كرتون لسة جديد تبع المجوعة اللى انا شغال فيها
    تقدر تقولى مصاريف استقدام العمالة الاجنبية قبل فترة تشغيل المصنع تحمل على ايه
    اعتقد ان مصاريف التاسيس هى اى مصاريف قبل تشغيل المصنع بخلاف اى مصاريف متعلقة بالاصول و المكن اللى لسة تجت التجربة و اى مصاريف قبل التشغيل و تابعة للعملية الانتاجية

    يا ريت لو عندك امثلة تقدر تفيدنى بيها اكتر اكون شاكر جدا ليك

  6. #6
    moderator الصورة الرمزية rafy_hash
    تاريخ التسجيل
    Mon, 11 Oct 2010 06 PM:20:00
    العمر
    32
    المشاركات
    709
    معدل تقييم المستوى
    4

    افتراضي رد: ما الفرق بين مصاريف التاسيس و مصاريف ما قبل التشغيل

    السلام عليكم اخونا شنبورى ,,, وبالمناسبه اسمك كول اخر زرار فى القميص . اللى بيخنق ده هع هع هع هع هع عارفه ؟؟!! المهم
    محدش يقدر يقول ان مصاريف التاسيس لا تستهلك وتخصم من اول سنه ولا حتى اول تلت سنين لان مصاريف التاسيس دى بتكون كبيره و بالملايين .. كده هتلاقى ان اول 3 سنين خسرانين .. وده سبب انه اطلق عليها م تاسيس و السبب برضو انهم بيعملو لها اهلاك على عده سنين و توزع على عده سنين لان المشروع لا يستفيد منها اول سنه بس و انما بيستفاد منها عده سنوات تمتد مع امتداد المشورع ... ومثلا اطلاق التيار الكهربائى ده بيتكلف اكتر من نص مليون جنيه اذا كان عندك وحده قريبه اما لو مش عنك وحده ضغط عالى قريبه و بتوزع وكلام كده هتكون التكلفه كلها عليك و هتدخل فى مليون على الاقل ...
    هل من العقل انى احمل اول سنه ب مليون جنيه لا تخصها اصلا بينما تخص المشروع على طولللللللللل .. ولو حلمتها على اول سنه !!!طيب وباقى السنين .. هنقطع الكهرباء عن المصنع ولا ايه يا برنس ؟؟؟ اعقلها و تكول يا عمونا ..

    اما بالنسبه ل مصاريف العماله الجديده .. الله اعلم لم تقابلنى من قبل فى حياتى العمليه ولم افكر فيها من قبل ولم اتطرق اليها ... ولكنى هسال فيها و ابحث و لو غلبت خالص هسال المراجع القانونى بتاعنا و نشوف رايه و يفدنا .. والله ولى التوفيق ..

    رافى

  7. #7

    تاريخ التسجيل
    Fri, 14 Sep 2007 01 PM:11:04
    العمر
    29
    المشاركات
    39
    معدل تقييم المستوى
    0

    افتراضي رد: ما الفرق بين مصاريف التاسيس و مصاريف ما قبل التشغيل

    شكرا يا استاذ رافى
    بس خلى بالك ان مصاريف التاسيس و ما قبل التشغيل تحمل فى فترة استحقاقها على المصاريف و لا تستهلك و ذلك طبقا للمعيار المصرى رقم 23 و الدولى رقم 38

    يبقى خلاصة القول ان جميع المصروفات التى تسبق بدء العمل بالشركة وقبل تحقق اى ايراد تسمى مصروفات تأسيس او مصروفات ماقبل تشغيل وتعتبر مصروفات تحمل على نفس الفترة المالية ولايتم رسملته

  8. #8
    moderator الصورة الرمزية وائل مراد
    تاريخ التسجيل
    Mon, 09 Mar 2009 12 PM:23:00
    الدولة
    مصري أعمل بالكويت
    العمر
    31
    المشاركات
    1,189
    معدل تقييم المستوى
    7

    افتراضي رد: ما الفرق بين مصاريف التاسيس و مصاريف ما قبل التشغيل

    جزاك الله خير أستاذنا رافي الفاضل رافي
    كل اشكر لك اخي shanboury

    ما هي مصروفات التأسيس ؟

    هي مصروفات تنفق قبل بدء النشاط مثل مصاريف العقود والتراخيص ودراسات الجدوى .... إلخ وذلك لوجود الشخصية الإعتبارية للمنشأة .
    بعد ذلك تحصل المنشأة على هذه الشخصية تقوم بصرف بعض المصاريف الإدارية والعمومية ويجب أن نفرق بين
    - المصاريف التي ترتبط بالإصول بأي طريقة كانت تحمل على حـ / الإصول ، أما الأخرى فتعتبر مصروفات التأسيس للمشروع يستفيد منها المشروع لفترات طويلة



    أعتقد إن مصاريف التأسيس لا يقال إنها تستهلك لكن يجب أن تطفى بقيمة القسط أو حسب السايسات المتعبة والمتعارف عليها لإطفاء مصاريف التأسيس

    تقبلوا مروري ولكم جزيل الشكر
    []((الناجحون لا يتراجعون والمتراجعون لا ينجحون ))

    ربي لا تدعني أٌصاب باليأس إذا فشلت ولكن ذكّرني دائماً أن الفشل هو التجربة التي تسبق النجاح .
    وائــل مـــراد

  9. #9
    moderator الصورة الرمزية rafy_hash
    تاريخ التسجيل
    Mon, 11 Oct 2010 06 PM:20:00
    العمر
    32
    المشاركات
    709
    معدل تقييم المستوى
    4

    افتراضي رد: ما الفرق بين مصاريف التاسيس و مصاريف ما قبل التشغيل

    الحمد لله على نعمتى العقل والعلم ....... وبعد ,,
    اخويا وائل مساء اللوز و فرد و جود احلى من الموز على احلى صاحب و اخ و جوز .... احم احم
    المهم تعالى نقول كلمتين تانى عن م التاسيس بهدوء ... هش ش ش ش ش

    زى ما احنا عارفين انه قد جري العرف المحاسبي علي اعتبار ان مصاريف التاأسيس هي نفقة ايرادية مؤجلة( مصروف هيجيب ايراد بعدين ) وبالتالي يمكن رسملتها كبند من بنود الاصول الغير ملموسة( لانها مش ثابته ولا متداوله ) والقيام بتخفيضها دوريا علي مدي عدة سنوات ( 3-5 سنين) في صورة مصروف يخصم من الايرادات
    القيدعند الدفع :
    من ح/ مصاريف التأسيس
    الي ح / البنك
    الوصف ( تراخيص او او او او )
    في اخر السنه المالية يحمل جزء من مصاريف التأسيس علي حساب الارباح والخسائر بعتبارها مصروف مؤجل :
    من ح/ الارباح والخسائر
    الي ح\ مصاريف التأسيس
    تعالى بقا نعرف م التاسيس مره اخرى كده ::
    $$ مصروفات التاسيس : هى كل المصروفات الى تصرف قبل بدء عمل الشركه يعنى المصروفات اللى انتا صرفتها قبل مدخل اى ايراد للشركه مثل مصروفات ( الايجارات - المرتبات - التراخيص- التامين - تاثيث الهاتف و الكهرباء ,,,) الخ الخ الخ

    خلى بالك كان فى طريقه بتاع زمان لحكايه دى و اتغيرت دلوقتى .. تعالى نشوف الاتنين ::
    - زمان كان يتم اعتبار مصروفات التاسيس كاصول ملموسه وتعامل معامله اى اصل ثابت ويتم حساب اهلااك لها ويكون الاهلااك مقسم على عمر الشركه ,,
    • فمثلا نفترض انها تم تاسيس الشركه فى 1/1/2008 وكانت مصروفات التاسيس حوالى 100000 جنيه وعمر الشركه مثلا 50 عاما فان الاهلاك يحسب كالتالى
    • الاهلاك السنوى لمصاريف التاسيس = مصاريف التاسيس/ عمر الشركه
    • الاهلاك السنوى لمصاريف التاسيس= 100000/50 = 2000جنيه
    وبالتالى يكون الاهلاك السنوى لمصروف التاسيس 2000جنيه
    • ويظهر مصروفات التاسيس فى الميزانيه بجانب الاصول مطروحا منها الاهلاك
    وتكون قيد الاهلاك كاتلى

    2000 من حــــ / مصاريف اهلاك ( مصروفات التاسيس)
    2000 الى حـــــ / مصاريف التاسيس
    ( وهذه الطريقه كانت طريقه خاطئه لانى على اى اساس يتم تحديد عمر الشركه فهل هناك شركه تاسس وتضع لنفسها مده معينه وتقول بعدها انا مش هشتغل تانى وعلى هذا كانت هذه الطريقه خاطئه )

    - هناك طريقه اخرى ايضا تعتبر مصاريف التاسيس اصول شبه ملموسه ويتم استهلاكها على مده تتراوح بين 3 الى 5 سنوات فمثلا لوكان مصاريف التاسيس 50000 جنيه فانه يتم استهلاكها على خمس سنوات مثلا
    اى ان مصاريف التاسيس تظهر فى الميزانيه الافتتاحييه ولتكن فى 1/1/2007 بقيمه 50000 جنيه وعند حساب الاستهلاك يكون قيمه مصاريف التاسيس موزعه على الخمس سنوات اى ان الاستهلاك السنوى لمصاريف التاسيس = 50000/5 = 10000 جنيه
    وتظهر مصاريف التاسيس فى الميزانيه الافتتاحيه للسنه التاليه بقيمه 40000 جنيه
    ويظهر مصروف الاستهلاك ضمن المصروفات العموميه فى قائمه الدخل

    ** ملحوظه هامه **
    ( خلى بالك بقا فى الوقت الحالى وفقا لمعايير المحاسبه الحديثه اصبح اهلاك مصاريف التاسيس على سنه واحده اى انها تهلك بالكامل على سنه واحده ويتم حسابها على انها مصروفات عموميه وهناك بعض الدول التى اخذت بهذا النظام وعلى راسهم الاردن والسعوديه )

    ** خلى بالك **
    فى معايير المحاسبه الامريكيه لا توجد رسمله لمصاريف التاسيس والاتجاه السائد الان فى معايير المحاسبه الحديثه انه يتم اعتبار مصروفات التاسيس بكاملها مصروف ويتم تحمليها على اول سنه ماليه وتقفل فى قائمه الدخل ضمن المصروفات العموميه .. كما ان استخدم لفظ استهلاك او اهلاك يعتبر خاطئ فى حاله حساب اهلاك لمصاريف التاسيس واللفظ الصحيح هو اطفاء اى اننا نقول اطفاء مصاريف التاسيس اى الاهلاك فى حاله الاصول الثابته ...

    $$$ الخلاصه $$$

    نفهم من كل ما سبق ان م التأشيرات دى هتعتبر حاليا من المصروفات التى تهلك على سنه واحده فقط طبقا للمعايير الجديده اللى تعاملت فيها السعوديه .. وبالرغم من انى بشتغل فى السعوديه من زمان بس عمرى ما عملتها بينما فى مصر يا برنس لسه شغالين على قديموووو يعنى بتقسم على سنين و بتهلك او تطفى مصاريف التأسيس على 5 سنوات كحد اقصى .. وخلى بالك انك ممكن تؤجل الميزانيه بتاع اول سنه لوقت اطول و لكن لا يتعدى نهايه العام التالى للميزانيه ( وفقا لمعايير القوائم الماليه ) ... بمعنى :

    مثلا انا بدات الشركه فى 1\3\2011 .. مش لازم اعمل الميزانيه بتاعتى فى 31\12 , بل ممكن ان اطول المده بحيث لا تتعدى 31\12\2012 م . فيخمتو ولانو يا خواجه ؟؟؟ هع هع

    بس كده ولو فى اى مشكله او اعتراض او استفسار قولى علطوووووول

    رافى

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. ما الفرق بين مصاريف الأهلاك والمصاريف الأخرى مثل الكهرباء والمياة؟
    بواسطة أسماء1991 في المنتدى المنتدى العام للعلوم المالية والمحاسبية
    مشاركات: 13
    آخر مشاركة: Sat, 21 Jan 2012, 05 AM:04:44
  2. مصاريف التأسيس
    بواسطة عبدالحليم محمد في المنتدى المحاسبة المالية
    مشاركات: 5
    آخر مشاركة: Sat, 23 Jul 2011, 03 PM:35:57
  3. سوال عن مصاريف التاسيس
    بواسطة حلم الاماسي في المنتدى المنتدى العام للعلوم المالية والمحاسبية
    مشاركات: 6
    آخر مشاركة: Tue, 05 Jul 2011, 10 PM:59:39
  4. مصاريف المتاجرة
    بواسطة mahmoudamory في المنتدى المحاسبة المالية
    مشاركات: 1
    آخر مشاركة: Sat, 02 Jul 2011, 05 PM:36:10
  5. مصاريف التاسيس
    بواسطة xzm200431 في المنتدى المنتدى العام للعلوم المالية والمحاسبية
    مشاركات: 10
    آخر مشاركة: Wed, 30 Jun 2010, 09 AM:04:50

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •