انتعاش الفم .......... وصفات طبيعية لرائحه فم جميلة؟؟؟؟؟
وصفات طبيعية لتزيل رائحه الفم
زي دايما ما احنا متعودين إن الطبيعي يكسب، دي بقى شوية وصفات طبيعية هتساعد بجانب النصائح اللي اتكلمنا عنها في الحصول على نفس منعش.
الوصفة الأولى
المكونات:
مغلي النعناع.
أو أزهار البابونج.
أو المريمية.
الطريقة:
كل اللي هتعمليه هو إنك تاخدي مقدار نصف فنجان قهوة من أحد الاعشاب دي "نعناع أو أزهار البابونج أو المريمية"... وتحطيه في نصف لتر ماء وبعد كده تحطيه على نار هادئة لمدة خمس دقائق..
بعد كده سيبيه لمدة ساعتين علشان يتنقع وبعد كده صفيه وخدي المية دي واستخدميها كغسول للفم أو كغرغرة مرة كل يوم بالليل.
الوصفة الثانية
المكونات:
شمع عسل النحل.
الطريقة:
دي بقى مافيش أبسط منها وكل اللي هتعمليه هو إنك تمضغي شمع عسل النحل ثلاث مرات يومياً بس خدي بالك إن آخر مرة تكون قبل النوم وعلى فكرة الوصفة دي بالإضافة إلى إنها بتساعد على إزاله رائحة الفم بتساعد كمان على علاج بعض القروح اللي ممكن إنها تصيب الفم...
الوصفة الثالثة
المكونات:
بقدونس.
أو أوراق خس.
أو تفاحة.
أو خيار أو جزر.
الطريقة:
كل اللي هتعمليه هو إنك تمضغي شوية "بقدونس أو أوراق الخس أو تفاحة أو تاكلي جزرة" بعد الأكل وعلى فكرة الوصفة دي مفيدة جدا للتخلص من رائحة الفم خاصة لو كنتِ آكلة وجبة فيها بصل أو ثوم.
الوصفة الرابعة
المكونات:
بذور السفرجل.
الطريقة:
اغلي بذور السفرجل في الماء حتى تصبح لينة وبعد كده صفيها واستخدمي المية دي كغرغرة للفم مرة كل يوم بعد تناول العشاء وعلى فكرة الوصفة دي مطهرة ومنعشة للفم.
الوصفة الخامسة
المكونات:
قرنفل.
الطريقة:
كل اللي هتعمليه هو إنك تمصي قرن قرنفل بعد الأكل وده لأن القرنفل معطر هايل للفم.
................................................
فلسطين بلادي..ستبقي بلادي
رغم إغتصاب أعدائي ..و ستبقي
نوري و ضيائي ..ستبقي الأمل..
لأنها حتما ستعود
هي بلادي![]()
رد مع اقتباس
المفضلات