مشاهدة نتائج الإستطلاع: ما هي درجة اهمية هذا الموضوع بالنسبه لكم؟

المصوتون
7. أنت لم تصوت في هذا الإستطلاع
  • مهم جدا

    7 100.00%
  • مهم

    0 0%
  • عادي

    0 0%
  • ليس له اي اهمية

    0 0%
إستطلاع متعدد الإختيارات.
صفحة 2 من 7 الأولىالأولى 1234 ... الأخيرةالأخيرة
النتائج 11 إلى 20 من 66

الموضوع: موسوعة المحاسبة المالية

  1. #11
    الصورة الرمزية elzahed2009
    تاريخ التسجيل
    Mon, 11 May 2009 05 AM:43:00
    الدولة
    الكويت
    العمر
    34
    المشاركات
    454
    معدل تقييم المستوى
    6

    Thumbs up

    اقتباس المشاركة الأصلية كتبت بواسطة احمد1977 مشاهدة المشاركة
    الاخ/احمد الزاهد ارجو منك قراءة رسالتى انا محاسب مبتدأ فى عملى ارجو منك مساعدتى فى فهم المحاسبة المالية (ملف الدورة المستندية مش راضى يفتح معاية)ممكن ارسالة على الايميل الخاص بى وشكررررررررررررررررررا
    وانا تحت امرك اخي الفاضل
    ارسلي لي بريدك وانا باذن الله سوف ارسل لك ما تريد
    حياك الله

  2. #12

    تاريخ التسجيل
    Tue, 23 Oct 2007 03 PM:35:54
    العمر
    27
    المشاركات
    17
    معدل تقييم المستوى
    0

    افتراضي

    جزاك الله خيرا وتم التحميل لك منى كل تقدير واحترام

  3. #13

    تاريخ التسجيل
    Fri, 29 May 2009 04 PM:25:15
    العمر
    29
    المشاركات
    7
    معدل تقييم المستوى
    0

    افتراضي

    اوك يابشا انا ارحب بيك كصديق

    ده رقم تليفونى
    99728874

  4. #14
    الصورة الرمزية elzahed2009
    تاريخ التسجيل
    Mon, 11 May 2009 05 AM:43:00
    الدولة
    الكويت
    العمر
    34
    المشاركات
    454
    معدل تقييم المستوى
    6

    Thumbs up

    السلام عليكم ورحمة الله وبركاته

    اليوم لقيت عندي ملف جميل فيه اسئله كتير جدا للانترفيو وتقريبا مش بتخرج عنها اسئلة المقابله
    ودلوقتي يلا نبدء الدرس قصدي المقابلة

    الاسئله المحتمله في مقابلاتا التوظيف مع اجااااااااااباتهاااااااااااااا




    1- ايه الفرق بين الميزانية والمركز المالي ؟؟؟


    طبعا سؤال سهل ..

    المركز المالي : هو قائمة توضح أصول وخصوم المنشأة ... يعني حقوق والتزامات المنشأة ... يعني ايه اللي للمنشأة وايه اللي عليها ... في أي يوم في السنة .

    يعني في أي يوم نجي نروح عاملين موقف للمنشأة عارفين ايه اللي ليها وايه اللي عليها ونحطه في صورة قائمة تبقى دي اسمها المركز المالي.

    طب ايه هي الميزانية العمومية ؟

    هي : مركز مالي .....
    ايه مركز مالي ... يعني أصول وخصوم المنشأة ... حقوق والتزمات المنشأة

    طب ايه الفرق ؟ الفرق ان الميزانية العمومية هي مركز مالي للمنشأة في نهاية السنة المالية. يعني في نهاية السنة المالية في آخر يوم في 31/12/2006 مثلا بنعرف حقوق والتزامات المنشأة فتبقى اسمها الميزانية العمومية


    -----------------------------

    2-ايه الفرق بين الميزانية والموازنة ؟؟؟


    الميزانية العمومية : هي زي ما قلنا عبارة عن قائمة توضح أصول وخصوم المنشأة ... حقوق والتزمات المنشأة في نهاية السنة المالية وبتكون معها الحسابات الختامية ( حـ / المتاجرة وحـ/ الأرباح والخسائر ) اللي بيوضحوا نتيجة نشاط المنشأة من ربح أو خسارة عن الفترة المالية السابقة .

    يعني ايه ؟؟! يعني ان الحسابات الختامية هي اللي بتوضح مصروفات السنة اللي فاتت الفعلية وايرادات السنة اللي فاتت الفعلية لكن الميزانية العمومية توضح حقوق والتزامات المنشأة في نهاية السنة .

    طب ايه هي الموازنة ؟؟؟

    الموازنة التقديرية : هي عبارة عن تقدير لايرادات ومصروفات المنشأة للسنة القادمة أو لعدة سنوات قادمة.


    -----------------------------------------



    2- ايه الفرق بين المصروفات الايرادية والمصروفات الرأسمالية ؟؟؟

    أولا نحب نعرف ايه هو المصروف :

    هو عبارة عن نفقة ( يعني --> فلوس بادفعها ) في سبيل الحصول على ايراد.

    يعني بادفع مثلا ايجار للمحل ... ليه ؟؟ علشان أبيع منه واحصل على الايراد.
    بادفع مثلا أجور ومرتبات للعاملين ... ليه ؟؟ علشان ينتجوا واحصل على الايراد.

    يبقى المصروف بادفعه في سبيل الحصول على الايراد.

    المصروف الايرادية : هو مصروف يحقق الايراد في نفس السنة المالية .

    المصروف الرأسمالي : هو مصروف يحقق الايراد في عدة فترات مالية ويؤدي إلى زيادة الطاقة الانتاجية للمنشأة .

    يعني مثلا : مصروف الأجور والمرتبات بتدفع كل شهر عن عمل الموظفين عن الشهر يعني كل شهر بيأخدو مرتباتهم فيها بيدخلوا للمنشأة ايراد في نفس الشهر ..... يبقى مصروف الأجور والمرتبات مصروف ايرادي .

    ومثلا : م الدعاية والإعلان ... الشركة مثلا عملت حملة اعلانية ضخمة استفادت بها المنشأة على كذا سنة .. يعني ساعدت على تحقيق الايرادات خلال عدة سنوات ... يبقى المصروف ده مصروف رأسمالي .

    مثال تاني :-

    مصروف الصيانة ... عملنا صيانة للآلات والمعدات للمنشأة علشان ترجع تنتج تاني يبقى المصروف ده مصروف إيرادي .

    طب لوجينا عملنا صيانة للألات مش علشان ترجع تشتغل تاني بس ولكن تزيد طاقتها الانتاجية ... يعني بدل ما تنتج مثلا عشر وحدات خليناها تنتج 15 وحدة يعن زودنا كفائتها الانتاجية والزيادة دي مش هتكون في أول سنة بس ؟؟ لا طبعا ... في السنين المتتالية اللي بعديها . يبقى المصروف ده في هذه الحالة مصروف رأسمالي.


    ----------------------------------------





    4- ما الفرق بين المخصص والاحتياطي ؟؟


    أولا : نحب نقول لكم على حاجة الأول ...

    أي منشأة صاحبها بيعملها علشان يكسب من ورائها أرباح يستفيد بيها .... وعلشان صاحب المنشأة أو الشركة مش يفضل يسحب فلوس من الشركة لحد ما تتعدى رأس ماله ... حددنا في المحاسب جزء أو ( حساب بمعنى المحاسبين ) هو ده بس اللي يسحب منه .... لأن بعد كده هيبدأ يستهلك رأسماله في الشركة .... وطبعا لو فضل على الحالة دي (( يعني يسحب من رأسماله )) هيفاجأ إن الشركة مش بتاعته بقت بتاعة الدائنين اللي عاوزين حقوقهم .... وبالتالي هيعلن افلاسه.

    علشان كده قلنا لازم نخلي حساب خاص للأرباح هو بس اللي يتسحب منه الفلوس .


    يعني ممكن نعرف الأرباح : على أنها الزيادة في حقوق الملكية لأصحاب المنشأة .
    وأيضا ممكن نعرف الخسائر : على أنها النقص في حقوق الملكية لأصحاب المنشأ’ة.

    نرجع لموضوعنا ... الفرق بين المخصص والاحتياطي

    المخصص والاحتياطي ... الاثنين مبلغ يستقطع من الربح لمواجهة خسارة متوقعة .

    واحنا طبعا عارفين مبدأ الحيطة والحذر : اللي هو إنه ينبغي على الشركة تحطاط لكل خسارة متوقعة وتحذر من كل إيراد غير محقق.

    الفرق إن المخصص بيتم تكوينه في حالة تحقق ربح أو تحقق خسارة يعني جبري ( فرضته مبادئ ومعايير المحاسبة ).
    لكن الاحتياطي لا يتم تكوينة إلا في حالة وجود أرباح فقط وبيكون اختياري على المنشأة ( إلا البنوك وشركات التأمين).

    فرق تاني إن المخصص بيكون لمواجهةخسارة حقيقة أو متوقعة بنسبة كبيرة ( مثل مخصص الاهلاك ).
    أما الاحتياطي بيكون لمواجهة خسارة متوقعة ولكن احتمال وقوعها ضئيل (مثل مخصص ارتفاع أسعار الأصول الثابتة ) يعني بيكون لتدعيم المركز المالي.


    ----------------------------------



    5- ما هو الحساب الذي لا يظهر ضمن ميزان المراجعة ؟؟


    الله ... يا سلام ... سؤال سهل جدا ....

    أولا : لازم نعرف الحسابات اللي بتظهر في ميزان المراجعة بتظهر ليه ؟؟! لأن ميزان المرجعة محصلة وملخص لعمليات سابقة عليه هي مراحل نظام المحاسبة اللي هي :-

    تجميع الأحداث المالي ---------> تسجيل الأحداث المالية في قيود يومية --------> تبويب الأحداث المالي في حـ/ الأستاذ ------------> تليخص اعمليات السابقة في ميزان المراجعة

    طب ايه هو الحساب أو البند الذي لا يمر بكل هذه المراحل .... ؟؟؟

    بضاعة آخر المدة .... لأنها تكون نتيجة جرد وليس نتيجة قيد يومية ، يعني بيتم جرد البضاعة وتقييمها ثم وضع قيمتها مرة دائن في حـ/ المتاجرة ومرة مدينة في الميزانية العمومية تحت بند الأصول المتداولة.

    ----------------------------

    6- إيه الفرق بين الكمبيالة والسند الاذني ؟؟

    أولا : الكمبيالة والسند الاذني بيطلق عليهما الأوراق التجارية ... وهما وسيلة من وسائل الائتمان التجاري ....

    حاسب ... حاسب ياعم انت ايه الكلام الكبير ده ... وحده وحده علينا ... ايه الائتمان التجاري دة ؟؟؟

    الائتمان التجاري ده : عبارة عن تأخير دفع ثمن البضاعة المشتراة وذلك لحد الحال ما يتحسن الحال ... بيستفيد بها التجار المشترين في توفير سيولة لوقت مؤقت ... وبيستفيد بها التجار البائعين في جذب المشترين وترويج بضاعتهم .

    طب ايه الفرق بين الكمبيالة والسند الاذني ؟
    الكمبيالة عبارة عن أمر كتابي يصدر من الدائن إلى المدين بطلب فيه دفع مبلغ معين إلى الدائن أو إلى شخص ثالث المستفيد وذلك فور الاطلاع عليها أو في تاريخ معين ... يعني .....

    حسين اشترى بضاعة من محمد بالأجل
    يبقى حسين مدين ومحمد دائن
    يجي محمد يقول لحسين اكتب لي كمبيالة مقابل البضاعة
    عبارة عن ايه الكمبيالة محمد يأمر حسين بأنه يدفع مبلغ الكمبيالة في تاريخ معين ويمضي عليها حسين انه موافق على الدفع ..

    محمد بقى ممكن يأخد هو الفلوس دي .... أو ممكن يبقى هو مدين لشخص ثالث عبد الله مثلا فيروح كاتب اسم عبدالله على الكمبيالة ويروح عبد الله لحسين علشان ياخد فلوسه منه .

    يبقى الكمبيالة ليها ثلاث أطراف
    1- حسين المدين ( المسحوب عليها ) هو اللي هيدفع الفلوس لأي حد يجيب له الكمبيالة
    2- محمد الدائن ( الساحب ) هو ده الدائن الأول لحسين اللي حرر الكمبيالة مع حسين
    3- عبد الله الدائن لمحمد ( المستفيد ) وهو اللي هيقبض الفلوس من حسين

    ملحوظة ::
    ممكن محمد يكون هو المستفيد يعني ممكن يقبض هو الفلوس بتعاته على طول من حسين
    وممكن عبد الله يكتب اسم شخص رابع دائن لعبد الله وهو اللي يروح يصرف الفلوس من حسين وهكذا....

    السند الاذني : هو تعهد كتابي يتعهد فيه المدين بدفع مبلغ معين للدائن في تاريخ محدد.

    يعني يتعهد حسين المدين ( المسحوب عليه ) بدفع مبلغ لمحمد الدائن الأصلي لحسين ( المستفيد ) في تاريخ معين.
    يبقى الفرق إن أطراف الكمبيالة ثلاثة والسند الاذني اثنين فقط

    -----------------------

    7- إيه الفرق بين أوراق القبض وأوراق الدفع ؟؟

    أوراق القبض وأوراق الدفع يطلق عليها الأوراق التجارية ... وهي الكمبيالة والسند الاذني...

    بس الفرق إنه لما يكون المسحوب عليه في الكمبيالة والسند الاذني هو الشركة أو المنشأة تبقى دي أوراق دفع تظهر ضمن الخصوم المتداولة في قائمة المركز المالي أو الميزانية

    أما لو كان المستفيد من الكمبيالة والسند الاذني الشركة أو المنشأة تبقى دي أوراق قبض بتظهر ضمن الأصول المتداولة في قائمة المركز المالي أو الميزانية

    يعني لو هنقبض من الورقة التجارية تبقى أوراق قبض لكن لو هندفع تبقى أوراق دفع .


    ----------------------------


    8- ايه الفرق بين أوراق القبض وبين الأوراق المالية ؟؟؟

    علشان يكون في العلم أوراق القبض والأوراق المالية هي من الأصول المتداولة

    أوراق القبض زي ما عرفنا هي الكمبيالة أو السند الاذني اللي بيكون المستفيد فيها هي الشركة أو المنشأة

    لكن الأوراق المالية هي الأسهم والسندات اللي بتشتريها المنشأة علشان تأخذ عائد من ورائها .-




    9- هل المبيعات مدينة أم دائنة ؟؟؟


    أولا ما هي أنواع الحسابات ؟؟

    أنواع الحسابات هي :-
    ------------------------------> حسابات حقيقية : وهي الحسابات التي تعبر عن شي حقيقي يمكن جرده ويمكن التصرف فيه - بالبيع مثلا - وهي مثل ( الأصول الثابتة )( مخزون البضائع )( الأوراق التجارية والمالية )( النقدية بالصندوق والبنوك )
    ------------------------------> حسابات شخصية : وهي المتعلقة بالأشخاص ، والأشخاص نوعين شخص حقيقي مثل ( محمد ، علي ، حسين ، ..... وهكذا ) وشخص معنوي مثل ( شركة .... ، مصلحة ..... ، مؤسسة .... ، ..... وهكذا ) .
    ------------------------------> حسابات وهمية أو أسمية : وهي عكس الحقيقية أي لا يمكن جردها ولا يمكن التصرف فيها لا بالبيع أو بالشراء. وهي مثل ( المصروفات والإيرادات ) فمثلا حـ/ الايجار هل يمكن عده أو جرده هل يمكن أن أبيع شوية أيجار . ، وأيضا مثل ( الخسائر والأرباح ) هل يمكن عد أو جرد الخسائر أو الأرباح لا يمكن طبعا . وأيضا مثل ( المشتريات والمبيعات ).

    ايه لا استنى لحظة ... ازاي المشتريات والمبيعات لا يمكن جردها ؟؟؟ هي مش بضاعة ؟؟!!

    لا .. لا ... حـ/ المشتريات وحـ/ المبيعات مش بضاعة هي عبارة عن قيم للبضاعة والدليل ان احنا مش خليناهم في حساب واحد لأن المشتريات بسعر التكلفة والمبيعات بسعر البيع فلا يمكن أن يوضوعوا في حساب واحد وبالتالي فحـ/ المشتريات هي عبارة عن حساب أسمي فقط تم عمله لمعرفة قيمة البضاعة المشتراه بسعر الشراء أو التكلفة ، وحـ/ المبيعات عبارة عن حساب أسمي فقط تم عمله لمعرفة قيمة البضاعة المباعة بسعر البيع ، فالحسابين لا يعبران عن شيء حقيقي

    نرجع للسؤالنا ايه هو الحساب المدين من الدائن

    ** جميع الحسابات الحقيقية مدينة
    ** أما الحسابات الشخصية فهي مدينة لو أخذت ودائنة لو أعطت يعني بالبلدي لو واحد أخذ منك فلوس هيبقى ايه ؟؟ ... طبعا مدين ، ولو واحد أعطاك فلوس هيبقى ايه ؟؟؟.... طبعا دائن
    ** أما الحسابات الوهمية أو الأسمية
    بالنسبة للمصروفات والخسائر والمشتريات كلها مدينة
    وبالنسبة للإيرادات والأرباح والمبيعات كلها دائنة

    -------------------------------------------



    10- عرف الدورة المستندية وأعطي مثلا منها ؟؟؟


    الدورة المستندية : من أسمها كده نعرف ان هي بتتكلم عن حركة المستندات داخل الشركة . وكون ان هي دورة لان حركتها داخل أي منشأة تتابع دورة الفلوس والأموال داخل الشركة

    يعني ايه ياعم انت ...

    يعني أنا لم أدفع فلوس علشان أشتري بضاعة وأدفع مصروفات وبعدين أبدأ أبيع وأستلم فلوس البيع علشان تبدأ تاني عملية اني أدفع فلوس وأشتري بضاعة ...... وهكذا

    جميع المستندات التي تدل على اثبات جميع هذه الحركات تسمى بالدورة المستندية

    وهي عبارة عن ايه :-

    ---> عند دفع الفلوس يتم تحرير ايصال صرف نقدية معتمد من المدير المالي والمدير العام للشركة ويوقع مستلم الفلوس على الايصال ( هي سايبة ولا ايه )
    ---> عند شراء بضاعة فهناك فاتورة مشتريات بقيمة هذه البضاعة وإذن اضافة بالمخازن لاثبات استلام البضاعة ووضعها داخل مخازن الشركة ومتنسوش التوقيع والاعتماد من مدير المشتريات والمدير العام
    ---> عند بيع البضاعة هناك فاتورة مبيعات من الشركة للعميل وكمان اذن صرف من المخازن يثبت أن البضاعة تم صرفها والعميل وقع على أنه استلمها
    ---> عند استلام فلوس من من أحد العملا أو من المبيعات النقدية يتم تحرير ايصال استلام نقدية ويوقع عليه أمين الخزينة .
    ---> وهكذا



    11- ما هي طريقة تقييم المخزون ؟؟؟

    هذا السؤال كثيرا ما يرد في أي انتر فيو للمحاسبين ،،، ولكن خلي بالك في سؤال تاني في نفس الموضوع ناس كتير بتتلخبط بينهم وهو ...


    12- ما هي طرق تسعير المخازن ؟؟؟

    وطبعا الفرق إن السؤال الأول بيتكلم عن طريقة تقييم المخزون والمقصود بالمخزون هنا يعني بضاعة آخر المدة ... يعني لما نيجي نجرد البضاعة طبعا بنجردها كميات ... طب وايه اللي هيحصل بعد كده ؟؟ طبعا لازم ندي قيمة وسعر لهذه البضاعة ... هو ده اللي بنسميه طريقة تقييم المخزون

    والطريقة المتبعة والسائدة هنا هي طريقة التكلفة أو السوق أيهما اقل
    ازاي؟؟؟؟!!!

    يعني بعد ما جردنا نأخذ آخر سعر للبضاعة دي اللي احنا اشترناها بيه ونقارن بينه وبين سعرها في السوق الأقل هو ده اللي احنا هنسعر بيه البضاعة الموجودة في المخازن آخر المدة.

    طب ايه معنى السؤال الثاني ؟؟؟

    السؤال الثاني بيتكلم عن طرق تسعير المخازن ،، يعني البضاعة لما تخش المخازن بتدخل بسعر الشراء اللي احنا اشترناها بيه وبعد كام يوم نشتري بضاعة تانية ولكن بسعر أعلى شوية وبعد كام يوم تانيين السعر زاد تاني وممكن يقل ( ما هو مفيش أمان اليومين دول ) ، ولكن لما بتتصرف من المخزن بتطلع بأي سعر ؟؟؟ لان السعر مش ثابت كل يوم بيتغير .

    وهنا هناك ثلاث طرق لتسعير البضاعة في المخازن وهي :-

    أولا: الوارد أولا يصرف أولا :

    ايه ده أولا في كله...
    يعني البضاعة لما بتدخل في المخازن بسعر نبدا نصرف منها بنفس السعر الأول اللي احنا اشترينا بيه لحد لما تخلص الكمية وبعدين نخش على الكمية والسعر اللي بعده وهكذا

    مثلا:
    اشترينا 5 كمبيوترات بسعر2500 جنيه للجهاز ودخلوا المخزن
    وبعدين اشترينا 3 كمبيوترات تانين ولكن بسعر 2600 جنيه للجهاز ودخلتاهم المخزن
    أول ما نيجي نصرف مثلا 4 كمبيوترات من المخزن هيكونوا بسعر 2500 جنية سعر أول بضاعة خرجت
    ولو جينا صرفنا 2 كمبيوتر تانين من المخزن هيكون واحد بسعر 2500 وواحد بسعر 2600 يعني نفضل ناخد سعر أول بضاعة جاية لحد لما تخلص الكمبية اللي عندنا

    ثانيا : الوارد أخيرا يصرف أولا :

    وهي عكس الطريقة الأولى يعني نصرف من المخزن البضاعة بسعر آخر بضاعة دخلت المخزن لحد لما تخلص الكمية وبعدين نخش على الكمية اللي قبلها وهكذا .

    مثلا :
    في حالتنا السابقة دي
    اول لما نيجي نصرف أربع كمبيوترات من المخازن هنصرف 3 كمبيوترات بسعر 2600 جنية وبعدين نصرف كمبيوتر واحد بسعر 2500 جنية يعني صرفنا بآخر سعر دخل المخزن لحد ما خلصت الكمية وبعدين أخذنا بسعر اللي قبله وهكذا
    وأول لما نصرف 2 كمبيوتر من المخزن هنصرفهم بسعر 2500 جنيه

    ثالثا : طريقة متوسط السعر :

    يعني بالبلدي نأخذ متوسط سعر بين اللي الاثنين يعني نجمع السعر الأول + السعر الثاني ونقسمهم على 2

    مثلا :
    في حالتنا السابقة دي
    أول لما نيجي نصرف الأربع كمبيوترات من المخازن نصرفهم بسعر 2550 جنية وهو ده متوسط السعر بين الاثنين حسبناها ازاي كد هو ...

    2500+2600
    -------------- = 2550
    2
    ولما نصرف 2 كمبيوتر تانين نصرفهم بسعر 2550برضو
    ولمانشتري مثلا 3كمبيوترات تانين بسعر 2700 جنية اذن يتم الصرف بسعر 2625 جنية ازاي

    2550+2700
    ------------- = 2625
    2
    وهكذا

    وهنا نكون عرفنا أيضا الفرق بين المخزون والمخزن :

    الفرق إن المخزون ده عبارة عن البضاعة الموجود داخل المخزن آخر المدة
    أما المخزن فهو المكان نفس اللي بتتخزن فيه البضاعة يعني لما تدخل فيه بضاعة بيكون مدين ولما بتتصرف منه بيكون دائن


    -------------


    13 - ما الفرق بين ( Perpetual Inventory System & Periodic Inventory System ) ؟؟؟


    هذا السؤال أورده أحد الأخوة الأفاضل اتعرض عليه في انتر فيو ،، أولا عاوزين نعرف ايه معنى كل مصطلح منهما ؟

    Perpetual Inventory System
    ويعني (( نظام الجرد المستمر ))

    Periodic Inventory System
    ويعني (( نظام الجرد الدوري ))

    ايه الفرق بين النظامين ؟؟

    1- نظام الجرد المستمر هو ان الشركة بتعمل حساب ضمن حسابات الشركة هو حـ/ المخزن ،، هذا الحساب يدخل فيه حركة المخزن كلها.
    يعني عند شراء المنتجات ودخولها المخزن بنقول

    من حـ/ المخزن
    _______ إلى حـ/ (( الحدث المكمل ليه )) وليكن الخزينة

    وعند صرف البضاعة وبيعها وخروجها من المخزن بنقول

    من حـ/ (( الحدث المكمل ليه )) وليكن العملاء
    _______ إلى حـ/ المخزن

    يعني بنفضل نقيد كل حركة بتحدث على البضاعة (( المخزن )) يوم بيوم .

    2- أما نظام الجرد الدوري هو أن الشركة تعمل حساب مستقل لكل حدث على المخزن .
    يعني عند شراء المنتجات ودخولها الشركة بنقول

    من حـ/ المشتريات

    عند البيع نقول

    إلى حـ/ المبيعات

    عند رد المبيعات نقول

    من حـ/ مردودات المبيعات

    عند رد المشتريات نقول

    إلى حـ/ مردودات المشتريات

    وفي نهاية السنة بنعمل جرد للمخزون وبيكون هو ده مخزون آخر المدة .

    3- المهم النظام الأول وهو نظام الجرد المستمر بيستخدم غالبا في الشركات الصناعية وعند الصرف من المخزن بنصرف خامات بتدخل في العملية الانتاجية فبيكون القيد كما يلي

    من ح/ التشغيل
    _______ إلى حـ/ المخزن ( خامات )

    يعني بنقفل حساب المخزن في حساب التشغيل

    أما نظام الجرد الدوري فغالبا بيستخدم في الشركات والمؤسسات التجارية

  5. #15
    الصورة الرمزية elzahed2009
    تاريخ التسجيل
    Mon, 11 May 2009 05 AM:43:00
    الدولة
    الكويت
    العمر
    34
    المشاركات
    454
    معدل تقييم المستوى
    6

    Thumbs up

    السلام عليكم ورحمة الله وبركاته

    ايه يا جماعه هو الموضوع مش مفيد ولا ايه
    طيب لو مش مفيد او مش مهم عرفوني علشان اغيره
    او اطور منه
    في انتظار تعليقاتكم
    اخوكم احمد الزاه

  6. #16
    الصورة الرمزية elzahed2009
    تاريخ التسجيل
    Mon, 11 May 2009 05 AM:43:00
    الدولة
    الكويت
    العمر
    34
    المشاركات
    454
    معدل تقييم المستوى
    6

    Thumbs up

    ايه رايكم نتكلم عن الفرق بين وظائف الادارة الماليه بمعني
    مين هو امين المخزن ومين المحاسب ومين المراقب ومين رئيس الحسابات ومين الباشا المدير المالي وايه وظايف كل واحد ومتطلبات وظيفته
    قولتولي كمل يا ابو حميد
    حاضر هكمل

    بصوا يا جماعه
    وظيفة "مراجع حسابات"
    الغرض الرئيسي من الوظيفة :
    مراجعة وتقييم نظم وإجراءات المراقبة للتأكد من الالتزام بسياسات الإدارة ، وسلامة المنتجات التى تنتجها الشركة ، وضمان حماية الأصول وحفظ المعلومات بطريقة دقيقة وامنة ، عدم الحياد عن المتطلبات القانونية .
    مراجعة وتقييم الإجراءات الداخلية والوثائق المدعمة للتأكد من أن هذه الإجراءات والوثائق توفر نظام رقابي فعال، وكذلك للتعرف على أي اجراءات تعاني من قصور أو ضعف

    مهام الوظيفة الأساسية:
    مراجعة الحسابات وعمل اختبارات توضح مدى الالتزام للتأكد من فعالية- الإجراءات المتبعة في حدود نظم رقابة مناسبة، فضلاً عن التوصية بإجراء أي تغيرات عند الضرورة
    - تزويد المديرين والموظفين بالمعلومات وتقديم المساعدة لهم وذلك لتمكينهم من الالتزام بالمتطلبات المالية والتشريعية
    - القيام بمراجعات خاصة بوظائف وعمليات معينة وذلك للحصول على أفضل قيمة والتوصية بإجراء أي تحسينات مطلوبة
    - المساعدة في تطوير أي برنامج خاص بمراجعة الحسابات الداخلية للتأكد من أن جميع الوظائف تخضع لمراجعة منهجية
    - المساعدة في إدخال نظم وإجراءات جديدة وتطويرها وذلك لمساعدة المديرين الموظفين في الالتزام بالقواعد المالية وتحقيق أهدافهم
    - العمل كقطة اتصال رئيسية مع المراجعين الخارجيين للتأكد من حصولهم على جميع المعلومات التي قد يحتاجونها
    - فحص أية مراجعات ضرورية للحسابات الداخلية، ومتابعة فعالية النظم والمراقبات المالية
    - التوصية بإجراء أي تغيرات ضرورية من أجل تحسين أداء الشركة المالي والمراقبات المالية الخاصة بها
    - الإلمام بآخر التطورات في مجال إدارة الأموال والتي من شأنها أن تؤثر على كيفية إدارة أموال الشركة أو التزاماتها التشريعيةالعمل كمصدر خبرة رئيسي في لشركة فيما يخص أمور المراقبة المالية
    .
    شروط التقدم للوظيفة
    يشترط الآتي للتقدم لهذه الوظيفة
    الحصول على مؤهل متخصص في مجال المحاسبة -
    - خبرة لا تقل عن ثلاث أعوام في مجال المحاسبة
    مهارة جيدة في استخدام الكمبيوتر -
    - مهارة تحليلية عالية
    الدقة -
    - مهارات جيدة في التعامل مع الآخري


    وظيفة "رئيس حسابات: "

    الغرض الرئيسى للوظيفة :.
    إدارة وتوجيه موظفي الحسابات المختصين بتقديم خدمات كاملة في محال المحاسبة إلى إدارة الشركة

    :مهام الوظيفة الأساسية
    إدارة وتوجيه موظفي الحسابات للتأكد من حصولهم على القدر الكافي من
    التحفيز والتدريب وتأديتهم مسئولياتهم الوظيفية وفقاُ للمعايير المطلوبة
    المساعدة في تطوير خطط العمل لتمكين الشركة من تحقيق أهدافها
    تقديم خدمات كاملة في مجال المحاسبة إلى الشركة، بما في ذلك إعداد التقديرات والميزانية
    السنوية وميزانية رأس المال، والحسابات النهاية
    تقديم النصيحة والتوجيه إلى المديرين والموظفين في الأمور المتعلقة بتفسير وتنفيذ القواعد المالية والمحاسبة
    وضع وإعداد جميع المراقبات والعمليات الضرورية الأخرى للتأكد من الالتزام بالمتطلبات والقواعد القانونية والمالية
    متابعة نظام المعلومات المالي بضمان تقديم المعلومات الدقيقة في الموعد المحدد من أجل اتخاذ القرارات الإدارية
    الإشراف على إعداد الإيرادات الإحصائية والتحليل المالي حول العديد من الموضوعات الخاصة بالاستخدام داخل الشركة وخارجها
    الإشراف على إدارة القروض ونظام استردادها، بما في ذلك الاتصال بالسماسرة والمقرضي
    إعداد ومتابعة تغيرات التدفقات النقدية والسجلات الخاصة بها لتحديد الاستخدام الأمثل للأموال أو الحاجة إلى زيادة الإيرادات


    أمين الخزينة
    ما يلي ومن أهم اختصاصاتة

    التخطيط المالي وتدبير الموال وإدارة الاستثمارات وإدارة رأس المال العامل واستثمار الفائض من الأموال
    مراقبة حركة النقدية (المقبوضات والمدفوعات) ورصيد الخزينة والمركز النقدي والمحافظة على الخزائن والاستثمارات
    دفع الالتزامات التي على المنظمة في مواعيدها
    (اخر) ان دور مدير الخزينة هو إدارة اصول الشركة والتزاماتها المالية التخطيط الموزانة الراسمالية تمويل النشاط التجاري ، صياغة الشروط الأئتمانية ،وإدارة محفظة الأستثمارات المالية ، وهو عادة يقوم بمتابعة كافة الأمور الخارجية.


    من هو دور المدير المالي :
    ان دور المدير المالي هو دور مهم في تحقيق أهداف الشركة ومصادرها المالية:
    -1 التحليل المالي والتخطيط : تقدير حجم المبالغ الواجب تشغيلها في الشركة تقييم حجم الشركة ومعدل النمو
    -2 القرارات الأستثممارية : الكفاءة في توزيع النقدية على الأصول
    -3 قرارات التمويل وهيكلة راس المال : رفع راس المال وتوفير دفعات للدائننين في الوقت المناسب
    -4 إدارة مصادر المالية مثل راس المال العامل
    5 -إدارة المخاطر وحماية أصو ل الشركة

    تاثيرات المدير المالي
    -1 التاثير على الأيراد للسهم الواحد في الوقت الحالي والمستقبلي
    -2 ساسية صرف الربح على السهم
    -3 أسلوب تمويل الشركة
    -4 توفير راس المال
    -5 العلاقة مع المستثمرين
    -6 تمويل قصير الأمد
    7-البنوك والضمانات الأمانات الديون والتحصيل والأستثمارو التأمين
    اود ان اضيف بعض المهام والمسؤليات للمدير المالي
    مسؤول تجاه : المدير العام
    المسؤولون تجاهه : رئيس المحاسبة
    المسؤولية الاساسية :
    -1 إقتراح السياسات المالية والالتزام بالمعتمد منها والاشراف على تنفيذ البرامج المالية والنظام
    -2 المحاسبي والاجراءات المالية واصدار التقارير المالية .
    -3 مراقبة وضبط موارد ومصاريف الشركة والتأكد من استخدامها الاستخدام الصحيح .
    -4 اجراء التوصيات ورفعها للادارة العليا فيما يتعلق بكافة الشؤون ذات التاثير على وضع الشركة المالي.
    المهام والمسؤوليات
    -1 ملاحظة ومتابعة فتح الاعتمادات المستندية مع رئيس المحاسبة والموافقة على مستندات الصرف وفقا للصلاحيات المعطاه له .
    -2 الموافقة على كشوفات التسوية الدورية الخاصة بالمصاريف واتخاذ القرارات اللازمة بشانها
    3 -الموافقة على اعداد الحسابات الختامية للشركة والتاكد من انجازها في الوقت المحدد لها واطلاع الادارة العليا عليها ومتابعة تدقيقها من قبل المدققين الخارجيين .
    -4 التاكد من اشتراك الدائرة المالية في الجردات الدورية للموجودات الثابتة والاصناف المخزونة ومن كفاية المخصصات او الاستدراكات والاحتياطيات المتخذة لحماية اموال الشركة .
    -5 اختيار المصاريف او الحسابات التي يجب ايداع او سحب المبالغ منها يوميا .
    -6 متابعة تحصيل المبالغ المستحقة للشركة من العملاء.
    -7 التاكد من استلام كافة التقارير من الدوائر المختلفة والتاكد من تسجيلها في الدفاتر المحاسبية .

    -1 العلاقات الوظيفية
    إن المدير المالي عل اتصال دائم بكافة مديري الدوائر للاشراف على صحة تطبيق السياسات والاجراءات المالية والتعاون معهم في حل المشاكل المالية.
    -2 الخبرة
    خبرة لا تقل عن عشرة سنوات في مجال الادارة المالية ، على ان يكون قد قضى منها خمسة سنوات على الاقل في وظيفة اشرافية.
    -3 الدراسة والتدريب والمهارات
    بكالوريوس في ادارة الاعمال مع تخصص في الادارة المالية او في المحاسبة.
    4 -اللغات
    اتقان اللغة العربية والانجليزية.
    اتقان الكمبيوتر ومهارات خاصة بة .

    بعض المهام الاخرى للمدير المالى
    0إنشاء العلاقات وتوطيد الصله بين الزملاء في إدراة الحسابات وكذلك توطيد العلاقات الفرديه وعلاقات العمل مع العملاء
    • إمدا الإدراه بما تحتاجه من إقرارت وتقارير ماليه تخدم النشاط
    • فحص وتقييم العمليات والتطبيقات الماليه وصحة التوجيه والمراجعة الداخليه والتدقيق ووضع الأنظمة المحاسبيه والتأكد من صحة العمليات الداخليه وأرصدة الحسابات
    • التخطيط ووضع الإستراجيات الماليه والتنسيق وتنشيط العمل داخل الإدراة الماليه والرقابة والتوجيه
    • التنسيق بين فروع المنشأه الواحده وكذلك التركيز على جودة الأداء وعلاقة المنشأه بكل من العملاء ومصادر التمويل من بنوك وخلافه
    • الرقابه على أرصدة العملاء والإشتمان ومتابعة العملاء وإمداد الإدراة بموقف العملاء
    تجميع وعرض التقارير الماليه الخاصة بمبالغ وأرصدة الحسابت الجاريه سواء بالبنوك أو العملاء وكذك أرصدة الميزانية العموميه وتحليل الموقف للإدارة العليا وتقديم النصح والمشورة للملاك والإدراه
    • الإشراف على تعين وإختبار وتعيين وتدريب موظفي الإدراه الماليه
    • العمل على توجية الإستثمار وإقتراح بدائل للملاك والإدراة وعمل دراسات جدوىى المشروعات
    • الموافقه على أو رفض السقف الإئتماني للعملاء وكذلك مصادر تدبير الأموال سواء من بنوك أو من خلال طرح أسهم جديده
    • الموافقه على أو رفض القروض الشخصية للعاملين وأعضاء مجلس الإدرة في حالة تخطي الحد المسموح
    • إعداد وتقديم التقارير فيما يتعلق بالمواقف الطارئه وإمداد الإدراه العليا بهاوضع الإجراءات الملائمة ورقابة الأصول
    الرؤية الواضحة ونقل صورة صحيحة للإدراه وكذلك عمل هياكل التمويل ومصادرها ومصادر الإنفاق عمل قائمة التدفقات النقديه وإعداد الموازنات الماليه

    أدوات وإحتياجات المدير المالي
    • أجهزة الحاسب الألي والطابعات الليزر والألوان لتوضيح التشارت
    • الحواسب المحمولة لمتابعة سير العمليات في بعض المنشاءات مثل مواقع العمل في شركات الماقولات .
    • الأجهزة الشخصيه .
    • الأجزة الصغيرة والحواسب الذكيه مثل أي مات وسيل فون وخلافه
    • مساعد الي بي دي أيه والأي ميت .
    • الأجهزة الرقمية الدقيقه والحواسب الصغيره .
    • التكنولوجيا المستخدمة والمعاونه .
    • المفروض أن يلم المدير المالي ببسوقت وير المحاسبي وحسابات العقبض وبرمجيات المحاسبه .
    • الأوركل وقواعد البيانات التفاعليه والإٍستعلام والأكسيس والفيجوال بيزك
    الأوفيس والإكسيل .
    • لتحليل المالي وبرمجته والمشروعات برمجة الأهداف والخطط و مصار التخيطيط والتنيؤ

    نماذج العمل ومتطلباته
    • الإنتباه بالتفاصيل وهذه الوظيفه لكونها مهمه فهي تهتم بالتفاصيل من خلال تكامل مهارات العمل
    • الإستقلاليه فالوظيفه تحتاج إلى المصداقيه والإستجابه والمسئوليه والإعتماد على النفس فى القياده والتطلع والحماس وتقديم النصح والأراء
    • رقابة الذات والتحكم في الأعصاب وتحمل ضغط العمل ومنع سلوك العنف أو السلوك الطائش في المواقف الصعبه
    • بذل المجهود التحقيق والإنجاز والتحدي وتحقيق الأهداف وبذل المجهود في الإتجاه الصحيح لتنفيذ المهام
    • التعاون ومساعدة الأخرين وتقديم المعونه للأخرين وإتخاذ التعاون كسلوك الموكوله الرئيسيه
    • العمل كفرق وتفضيل العمل الجماعي عن العمل منفردا والاتصال الشخصي بالأخرين في العمل
    • الإتماد على النفس وتحمل المسئوليه وتطوير الذات وإلإبداع وتطوير سبل وطرق تنفيذ العمليات والإرشاد وتقليل
    • من الإشراف من خلال رقابة الذات والإعتماد على النفس في عمل كل شئ
    • التحدي وتحمل المسئوليه

    الاختلاف بين المحاسب والمدير المالى :.


    الاختلاف الاول بين المحاسبة والوظيفة المالية يتعلق بـ :
    حيث ان الوظيفة الاساسية للمحاسب هي اعطاء البيانات التى تساعد في قياس اداء المشروع والدخل الخاضع للضريبة
    ويكمن الخلاف بين المدير المالي والمحاسب في .. معالجة الايراد والنفقة .
    فالمحاسب يستخدم بعض المعايير المقبولة مهنيا بحيث يعد القوائم المالية في ظل افتراض أن :
    الايرادات تتحقق لحظة البيع وكذلك النفقه تسجل لحزة استحقاقها طبقا لمبدأ "الاستحقاق HE ACCRUAL SYSTEM".
    أما المدير المالي :
    فإنه يهتم في المقام الاول بالمحافظة على قدرة المنشأة في أداء التزاماتها FIRM,S SOLVENCY وذلك بالعمل على توفير التدفق النقدي الضروري لأداء هذه الالتزامات والحصول على الاصول المتداوله والثابتة التي تساعد في تحقيق الاهداف بدلا من تسجيل الايرادات والنفقات وقت البيع أو استحقاق النفقه كما يفعل المحاسب،
    فالمدير المالي يهتم بتسجيل الايرادات والنفقات لحظة حدوث التدفقات النقدية الداخلة والخارجة
    لأن ذلك يمكنه من التعرف على وقت حدوث العجز في النقدية الداخلة والخارجة
    كما يمكنه ذلك ايضا من التعرف على وقت حدوث العجز في النقدية نتيجة زيادة المخزون السلعي وأوراق القبض
    نتيجة التوسع في المبيعات .. كل هذا يمكنة من التخطيط المسبق للحصول على الاموال .
    الأختلاف الثاني بين المحاسبة والوظيفة المالية يتعلق بـ :
    اتخاذ القرار DICISION MAKING :
    حيث أن مهام المحاسب تختلف عن مهام المدير المالي
    فالمحاسب يخصص معظم وقتة لتجميع وعرض البيانات المالية
    بينما المدير المالي يقوم بتحليل القوائم والتقارير المالية التي أعدها المحاسب وكذلك البحث عن المعلومات الاضافية التي تساعده في اداء وظائفة
    وبذلك يتمكن من اتخاذ القرارات على ضوء ما تم تحليله واستخلاصة
    ولو لاحظنا نجد ان المحاسب يعمل على تفسير وعرض البيانات الماضية للاداء وما يتعلق بالوضع الحالي وقد يتطرق الى المستقبل اذا كان ذلك ممكنا.
    بينما المدير المالي يستخدم هذه المعلومات سواء كانت كما هي أو يعيد تعديلها وتحليلها والتي تعتبر القاعدة الاساسية لاتخاذ القرار المالي.
    وهنا لا نعني أن المحاسب لا يتخذ أي قرارات أو ان المدير المالي لا يجمع أي بيانات ...ولكن

    المراقب المالي:
    يتولى المهام الداخلية للشركة المالية محاسبة التكاليف الضرائب الموازنة وأمور الرقابة - مدير المالية CFO - Chief Financial officer يكون دوره متابعة كافة هذه التطبيقات ويعمل كمستشار لأعضاء مجلس الأدارة

    مهام المراقب المالى :
    1 - التخطيط للرقابة
    - 2 التقارير والتفسيرات
    - 3 التقييم والأستشارات
    - 4 إدارة الضرائب
    5 - التقارير الحكومية
    6 - حماية الأصول
    7 - التقييم الأقتصادي


    وظيفة "مدير الشئون المالية"
    الغرض الرئيسي من الوظيفة:
    الإسهام في تحقيق الأهداف التجارية الخاصة بالشركة من خلال الآتي
    أ- تقديم توجيه استراتيجي ومالي لضمان الوفاء بالتزامات الشركة.
    ب- تطوير جميع السياسات والإجراءات الضرورية لضمان الإدارة والمراقبة المالية السليمة لعمل الشركة.
    مهام الوظيفة الأساسية:
    - إدارة ومراقبة موظفي الشئون المالية للتأكد من حصولهم على القدر الكافي والتحفيز والتدريب وتأديتهم مسئولياتهم الوظيفية وفقاً للمعايير المطلوبة .
    - إسهام في تحقيق أهداف العمل في الشركة وذلك عن طريق تقديم النصيحة والتوجيه فيما يخص الاستراتيجيات المالية المتبعة .
    - تطوير ومراقبة الميزانية السنوية العاملة الخاصة بالشركة لضمان الوفاء بجميع الأهداف المالية والالتزام بالقوانين التشريعية ..
    - توجيه وتقديم النصائح إلى مديري الشركة وموظفيها فيما يتعلق بالشئون المالية وذلك لتمكينهم من تحقيق أهدافهم .
    - الإشراف على إعداد حسابات الشركة المالية لضمان تقديمها صحيحة وفي موعدهاالمحدد .
    - تطوير وتنفيذ برنامج خاص بمراجعة الحسابات الداخلية للتأكد من التزام الشركة بالإجراءات والقوانين المالية .
    - تطوير وحفظ جميع النظم والسياسات والإجراءات الضرورية لضمان فعالية وكفاءة الإدارة المالية بالشركة .
    - متعبة العقود الخارجية والخدمات التي يقدمها الموردون لضمان عملها بفاعلية وتقديمها أفضل قيمة للشركة .
    - اتخاذ جميع الإجراءات الضرورية للتأكد من وفائها بالتزاماتها الماليةالقانونية.

    شروط التقدم للوظيفة.
    يشترط الآتي للتقدم لهذه الوظيفة:
    - الحصول على مؤهل معتمد في مجال المحاسبة.
    - خبرة لا تقل عن عشرة أعوام في مجال المحاسبة على مستوى إشرافي.
    - مميزة في مجال الإدارة.
    - معرفة بمهام هذه الوظيفة.
    - مهارات فكرية واستراتيجية
    - مهارة عالية فى التعامل مع الاخرين

  7. #17
    الصورة الرمزية elzahed2009
    تاريخ التسجيل
    Mon, 11 May 2009 05 AM:43:00
    الدولة
    الكويت
    العمر
    34
    المشاركات
    454
    معدل تقييم المستوى
    6

    Thumbs up

    كورس محاسبه ولا اروع وربنا يبارك للي عمله بجد
    والكورس مكون من 3 كورسات :

    1. من اليومية حتى الميزانية (دورة ربع سنوية)

    2. المشتريات والمبيعات والمخزون

    3. الموازنات التخطيطية

    +

    طريقة لمستخدمى اوفيس 2007 لاضافة استخدام اوفيس 2003 مع الشرح

    +

    بعض الاختصارات للاكسيل على PDF

    +

    مجموعة تطبيقات مختلفة للاكسيل
    ودا رابط التحميل
    http://rapidshare.com/files/20745888...unt_Course.rar
    استنوا قبل ما انسي يا جماعه دا الباس وورد
    EHM88


  8. #18
    الصورة الرمزية elzahed2009
    تاريخ التسجيل
    Mon, 11 May 2009 05 AM:43:00
    الدولة
    الكويت
    العمر
    34
    المشاركات
    454
    معدل تقييم المستوى
    6

    Thumbs up

    ايه يا جماعه
    محدش هيشجعني ولا ايه
    بجد انا بقالي تقريبا اسبوع وكل يوم بحاول اعمل جديد في الموضوع والتفاعل مفيش
    انا مش عاوز غير انكم تتفاعلوا بس علشان احس ان معايا حد مش لوحدي
    ولا دا كتير؟

  9. #19
    الصورة الرمزية elzahed2009
    تاريخ التسجيل
    Mon, 11 May 2009 05 AM:43:00
    الدولة
    الكويت
    العمر
    34
    المشاركات
    454
    معدل تقييم المستوى
    6

    Thumbs up

    دا موضوع منقول عن اخويا الاستاذ أحمد المحاسب العظيم استاذي بمعني أدق
    وهو هيبدأ معاكم ويقول
    السلام عليكم ورحمة الله وبركاته،،،

    النهرده يا جماعه ان شاء الله هنرجع لدروس المحاسبه باللغة الإنجليزية ، واسف على التاخير في الفتره السابقة لانشغالي الشديد.

    ندخل في موضوع النهرده الي في وجهة نظري انه مهم جدا وهو شجرة الحسابات

    وكالعاده اولا هنبدا بالتعريف

    A chart of accounts is a listing of the names of the accounts that a company has identified and made available for recording transactions in its general ledger. A company has the flexibility to tailor its chart of accounts to best suit its needs, including adding accounts as needed.

    هنا الراجل بيقولنا ان شجرة الحسابات تتكون من مجموعة من الحسابات التي تقوم الشركه بتعريفها وجعلها قابلة للتسجيل في الاستاذ العام ، وطبعا كل شركه بتكون ليها مجموعه حسابات بتشتغل عليها زي مثلا لو الشركه واخده قرض بيكون فيه حساب للقرض واخر للافائده انما لو الشركه مش واخده قرض الحساب ده مش هيكون موجود ، المثال ده بس للتوضيح ان الحسابات دي مش ثابته للجميع الشركات لكن حسب نشاط ومجال كل شركة.

    Within the chart of accounts you will find that the accounts are typically listed in the following order:

    Balance sheet accounts  Assets
     Liabilities
     Owner's (Stockholders') Equity

    Income statement accounts  Operating Revenues
     Operating Expenses
     Non-operating Revenues and Gains
     Non-operating Expenses and Losses

    وطبعا هنلاقي هذه الحسابات بالترتيب الذكور أعلاه ، وهو طبعا :
    حسابات الميزانية العموميه:
    الأصول
    الإلتزامات
    حقوق الملكية
    حسابات قائمة الدخل :
    الإيرادات التشغيلية
    مصاريف التشغيل
    الإيرادات الاخرى
    المصروفات الأخرى


    Within the categories of operating revenues and operating expenses, accounts might be further organized by business function (such as producing, selling, administrative, financing) and/or by company divisions, product lines, etc.
    حسابات الايرادات التشغيله والمصروفات التشغيليه يجد ان تكون مقسمه حسب القسم (يعني لو مصنع ) نرمز لكل قسم برقم الانتاج 1 المبيعات 2 الاداره 3 الاداره الماليه 4 وطبعا ده بيسهل علينا ان اجنا نعرف نقيم كل قسم على حده ، كمان ممكن نقسم الحسابات دي عن الي خطوط انتاج .... الخ من تقسيمات حسب مجال الشركه.
    A company's organization
    chart can serve as the outline for its accounting chart of accounts. For example, if a company divides its business into ten departments (production, marketing, human resources, etc.), each department will likely be accountable for its own expenses (salaries, supplies, phone, etc.). Each department will have its own phone expense account, its own salaries expense, etc.



    A chart of accounts will likely be as large and as complex as the company itself. An international corporation with several divisions may need thousands of accounts, whereas a small local retailer may need as few as one hundred accounts.

    Ample Chart of Corporations
    Each account in the chart of accounts is typically assigned a name and a unique number by which it can be identified. (Software for some small businesses may not require account numbers.) Account numbers are often five or more digits in length with each digit representing a division of the company, the department, the type of account, etc.

    كل حساب من شجرة الحسابات بيكون ليه رقم واسم زي ما واضح في المثال الي تحت ، فمثلا حسابات الاصول هنا بتبدأ من رقم 10000 وتنتهي بـ 19999 ، وهكذا لكل الحسابات الباقيه.

    As you will see, the first digit might signify if the account is an asset, liability, etc. For example, if the first digit is a "1" it is an asset. If the first digit is a "5" it is an operating expense.

    A gap between account numbers allows for adding accounts in the future. The following is a partial listing of a sample chart of accounts.
    Current Assets (account numbers 10000 - 16999)
    10100 Cash - Regular Checking
    10200 Cash - Payroll Checking
    10600 Petty Cash Fund
    12100 Accounts Receivable
    12500 Allowance for Doubtful Accounts
    13100 Inventory
    14100 Supplies
    15300 Prepaid Insurance
    Property, Plant, and Equipment (account numbers 17000 - 18999)
    17000 Land
    17100 Buildings
    17300 Equipment
    17800 Vehicles
    18100 Accumulated Depreciation - Buildings
    18300 Accumulated Depreciation - Equipment
    18800 Accumulated Depreciation - Vehicles
    Current Liabilities (account numbers 20000 - 24999)
    20100 Notes Payable - Credit Line #1
    20200 Notes Payable - Credit Line #2
    21000 Accounts Payable
    22100 Wages Payable
    23100 Interest Payable
    24500 Unearned Revenues
    Long-term Liabilities (account numbers 25000 - 26999)
    25100 Mortgage Loan Payable
    25600 Bonds Payable
    25650 Discount on Bonds Payable
    Stockholders' Equity (account numbers 27000 - 29999)
    27100 Common Stock, No Par
    27500 Retained Earnings
    29500 Treasury Stock
    Operating Revenues (account numbers 30000 - 39999)
    31010 Sales - Division #1, Product Line 010
    31022 Sales - Division #1, Product Line 022
    32015 Sales - Division #2, Product Line 015
    33110 Sales - Division #3, Product Line 110
    Cost of Goods Sold (account numbers 40000 - 49999)
    41010 COGS - Division #1, Product Line 010
    41022 COGS - Division #1, Product Line 022
    42015 COGS - Division #2, Product Line 015
    43110 COGS - Division #3, Product Line 110
    Marketing Expenses (account numbers 50000 - 50999)
    50100 Marketing Dept. Salaries
    50150 Marketing Dept. Payroll Taxes
    50200 Marketing Dept. Supplies
    50600 Marketing Dept. Telephone
    Payroll Dept. Expenses (account numbers 59000 - 59999)
    59100 Payroll Dept. Salaries
    59150 Payroll Dept. Payroll Taxes
    59200 Payroll Dept. Supplies
    59600 Payroll Dept. Telephone
    Other (account numbers 90000 - 99999)
    91800 Gain on Sale of Assets
    96100 Loss on Sale of Assets

  10. #20
    الصورة الرمزية elzahed2009
    تاريخ التسجيل
    Mon, 11 May 2009 05 AM:43:00
    الدولة
    الكويت
    العمر
    34
    المشاركات
    454
    معدل تقييم المستوى
    6

    Thumbs up

    ودلوقتي علشان نبقي مواكبين غيرنا من المحاسبين ايه رايكم نتعلم المحاسبه بالانجليزي اه هما مش احسن مننا ولا ايه؟
    اقدم لكم موقع جميل جدا بيعلم مبادئ المحاسبة ( انجليزى ) بكل سهولة وفيه ملفات للطباعة واسئلة للمراجعة لكل وحدة
    طبعا مجانى وبياخد الدارس واحدة واحدة .. تاتا تاتا .
    موقع فى رأيى ممتاز .. الموقع كله انجليزى .
    http://www.principlesofaccounting.com

صفحة 2 من 7 الأولىالأولى 1234 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. معايير المحاسبة المالية الامريكية، ومعاير المحاسبة البريطانية
    بواسطة باسم الحاتمي في المنتدى معايير وقوانين المحاسبة
    مشاركات: 3
    آخر مشاركة: Sun, 16 Mar 2014, 05 PM:20:03
  2. عرض القوائم المالية ومتطلبات معاير المحاسبة المالية
    بواسطة hadeerr في المنتدى عروض الدورات التدريبية والندوات والمؤتمرات المهنية
    مشاركات: 0
    آخر مشاركة: Tue, 29 Nov 2011, 09 AM:09:14
  3. موسوعة الكتب والابحاث فى المحاسبة .. الفريدة
    بواسطة bola100 في المنتدى المنتدى العام للعلوم المالية والمحاسبية
    مشاركات: 2
    آخر مشاركة: Thu, 06 Oct 2011, 06 PM:34:38
  4. مقترح معيار المحاسبة المصري بشأن المحاسبة المالية لزكاة المال وحسابها الكترونيا
    بواسطة mohamed sherif في المنتدى مَحاسَبَة الزكاة - والنظره الإسّلامِيِّة للمَحاسَبَة
    مشاركات: 0
    آخر مشاركة: Thu, 06 Oct 2011, 07 AM:05:21
  5. المحاسبة المالية من الف الي ياء
    بواسطة mido3012 في المنتدى المحاسبة المالية
    مشاركات: 8
    آخر مشاركة: Mon, 13 Jun 2011, 11 AM:39:52

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •